Бөтендөнья
татар конгрессы Башкарма комитетында "Бөтенроссия татар авыллары эшмәкәрләре
җыены”н үткәрү буенча оештыру комитетының утырышы узды. Әлеге утырышта
Бөтенроссия татар авыллары оешмасы рәисе Рәшит Сәнҗәпов, Чувашиянең Шыгырдан
авылы башлыгы Рәшит Купкенов, Урмай авылы башлыгы Минзаһит Зәйнуллин, Комсомол
районы татарлары милли мәдәни автономиясе рәисе Фәрит Гыйбатдинов, БТК БК
рәисенең беренче урынбасары Ренат Вәлиуллин, БТК БК рәисенең урынбасары Марс
Тукаев катнашты. Утырышны БТК БК рәисе Ринат Закиров алып барды.
"Бөтенроссия
татар авыллары эшмәкәрләре җыены” 23–25 март көннәрендә узачак. Беренче көнне
ул Казанда узса, икенче көнне җыенга килүчеләр Чувашиядәге өч татар авылында
Шыгырданда, Урмайда, Тукайда булачаклар. Җыенда сүз татар авылындагы
эшмәкәрлек, авылларның сакланышы, алардагы проблемалар, хәл итү юлларын эзләү,
икътисадый элемтәләр, авылларны саклау һәм үстерү буенча дәүләт программаларын
файдалану һәм башка мөһим мәсьәләләр каралачак.
|