Бөтендөнья татар конгрессы Башкарма комитетында «Минем шәҗәрә” исемле икенче "Көмеш каләм” интернет бәйгесенә нәтиҗә ясалды. Аны БТК БК, Бөтенрусия татар авыллары оешмасы, Чувашия татарларының Комсомол районы татар милли мәдәни оешмасы оештырды. Әлеге бәйгедә Чуашстан, Татарстан, Башкортостан республикаларыннан, Пенза өлкәсеннән 100 гә якын конкурсант нәсел шәҗәрәсенә багышланган иншалар белән катнаштылар. Аның 50-гә якыны Фәрит Гыйбатдиновның «Урмай” сайтында һәм Чувашия республикасы татарларының «Вакыт” газетасында дөнья күрде. Инша язучыларының яше төрледән, 6 яшьлек бала, мәктәп укучылары белән бергә татар теле укытучылары да көч сынашты.