Тукай      авылы 
                Әссәләәмүгәләйкум үә рахмәтүллаааһи үә бәракәәтүһ!
Дүшәмбе, 25.09.2017

 

 
   
    

Тукай авылы сайтына рәхим итегез!

Сайтның менюсы
Мини-чат
Сораштору
Мин яшим...
Барлыгы: 195
Баш бит » 2012 » Апрель » 10 » 10-04-12 Тукай халкы изге нияттә
10-04-12 Тукай халкы изге нияттә
18:56
   Хөрмәтле авылдашлар, дин кардәшләребез!

   Белгәнебезчә, былтыр, мәчетебезнең 20 еллыгының бәйрәмен билгеләгән көнне авылыбызда төзеләчәк яңа мәдрәсә нигезенә таш салу тантанасы булды, зурлап корбан чалынды, догалар кылынды. Моңа йөзләгән авылдашлар белән бергә безнең шатлыклы вакыйганы уртаклашыр өчен кайткан кунаклар да шаһит булды.  Төзеләчәк мәдрәсә җирләрен теркәү эшләре төгәлләнеп килә иде.

   Күптән түгел, 17-нче мартта авылыбызның яңа тарихында беренче тапкыр мәхәллә җыены узды. Авылдашларыбыз бу изге эштә бердәм булып, Аллаһның ярдәме белән мәдрәсәне төзергә һәм ул халык төзелеше булачак дигән карарга килде. Аллага шөкер, мәдрәсә проекты әзер. Аның авторлары: Чабаксар шәһәренең "Болгар”, Шыгырдандагы "Өч сәхәбә”, Урмайдагы "Кара пулат” мәчетләрен төзүче архитекторлар Әлфрид Ибраһимов һәм Лилия Чулакова.

   Үткән атнада мәдрәсә шәкертләре һәр йортка мәхәлләбезнең имамнары Наил һәм Рифкатъ хәзрәтләрнең мөрәҗагәтен таратты. Бер атна өчендә авылдашларыбыз бер миллионга якын акча җыйды. Әлегә бу изге эшкә авылдашларның яртысы гына үз өлешләрен кертеп өлгерде. Аллаһ насыйп итсә, якын арада башкалар да ярдәм кулын сузачакбыз дип ышандыра. Шулай ук Тукайда туып-үскән, хәзер илебезнең төрле авыл-шәһәрләрендә тормыш итүче туганнарыбыз да бу изге эштән читтә калмас дип өметләнәбез.

   Мәхәлләнең карары нигезендә мәдрәсә төзергә ярдәм итүчеләр исемлеге авылыбызның интернет сәхифәсенә эленеп барылачак, ул һәр атнаның җомгасыннан соң яңыртылачак.

   Хөрмәтле туганнар! Бу эштән читтә калмагыз, мәдрәсә төзелешенә матди ярдәмегезне, сәдакаләрегезне авылның хәзрәт-имамнарына, бу эшкә махсус билгеләнгән кешеләргә яки мәчеткә турыдан-туры китереп тапшыра аласыз. Мәчетнең банкта үз хисабы бар, теләүчеләр анда күчерә алалар. Реквизитлары интернет сәхифәсендә бар.
Карап чыгулар: 504 | Добавил: tokaevo-tat | Абруй: 5.0/3 |
Всего комментариев: 0
Имя *:
Email *:
Код *:
Керү рәвеше
Яңалыклар календаре
«  Апрель 2012  »
ДүшСишЧәрПәнҖомШимЯкш
      1
2345678
9101112131415
16171819202122
23242526272829
30
Дусларыбыз
Статистика

Онлайн барысы: 1
Кунаклар: 1
Кулланучылар: 0
Copyright Тукай © 2017
Сайт управляется системой uCoz