13 гыйнар көнне Татарстанның Спас районында Булгар шәһәре мәчетендә Үзәк диния нәзарәтенең күчмә утырышы булып үтте. Ул Болгар җирлегендә безнең бабаларыбыз тарафыннан Ислам диненең кабул ителүенә 1120 ел тулуга багышланган иде. Бу утырышта илебезнең күп кенә төбәкләреннән килгән мөфтиләр һәм башка дин әхелләре катнашты. Бу утырышта Чувашстаннан мөфти Әлбир хәзрәт Крганов, нәзарәтнең казые С.Гимаев, ахун Н.Гайнулов, “Гөлстан” мәдрәсәсенең ректоры Н.Ямалутдинов, нәзарәт аппаратының җитәкчесе Ф.Глухов, имамнар Ф.Сафиуллин, М.Кумотов катнаштылар. Бу күчмә утырышта күп кенә мөһим сораулар каралды, шул исәптән 2009 елның июнь аенда Мөхәммәт(сгв) пәйгамбәрнең сәхәбәләренең Идел Болгарстанына беренче килүләренә 1420, Идел Болгарстанында Ислам динен кабул ителүгә 1120, Үзәк Диния нәзарәте оештырылуга 220 ел тулуларны билгеләп итү тантанасын үткәрү хакында да сүз булды. Бу тантанага Ватаныбыз Президенты Д.Медведеевның, ил башлыгы В.Путинга да чакыру җибәрелгәнлеге хакында белдерде Үзәк диния нәзарәтенең рәисе мөфти Т.Таҗетдин.
|